BO NADAL

 VIOLENCIA DE XÉNERO

A lingua non é machista, como non é racista ou homófoba. É o emprego que fagamos dela o que determina o carácter do discurso

                                                   SAMAÍN

       Iniciamos o mes de Novembro coa tradicional festa de Samaín e o tradicional concurso de cabazas. Agradecemos a colaboración do alumnado de FP

    Rapaces: non olvidedes recoller o voso premio

            Monstros mariños na literatura

                    Criaturas terroríficas nun océano real

      Traballo realizado polo alumnado de 2ª º ESO 

 DÍA DAS LETRAS GALEGAS 2021

No día das letras galegas, adicado a Xela Arias, fixemos un pequeno recordatorio dos primeiros pasos do cinema en Galicia, lembrando tamén a estreita relación que hai entre cine e literatura

Desde Biblioteca e Dinamización convocamos a terceira edición do concurso Tes Talento no que a poesía de Xela Arias estivo moi presente

                                             ENTROIDO

Como non podía ser doutra maneira neste Entroido tiñamos que traballar, si ou si, sobre as máscaras. Máscaras tribais, máscaras do Entroido, máscaras funerarias, máscaras teatrais, máscaras da Peste Negra, máscaras venecianas, máscaras no cinema.

Sobre todas elas traballou o alumnado de todos os niveis facendo unha investigación que se plasmou nestas máscaras, e que deixa moi claro o potencial artístico que hai neste centro. Todas estas máscaras optan a premio, nas distintas categorías, no Concurso convocado pola Biblioteca e o Equipo de Dinamización Lingüística.

 DÍA DA PAZ

Este curso o motivo central arredor do cal xirou boa parte do traballo do alumnado foi a carga simbólica da flor como elemento portador de paz. Dende o flower power dos anos 60, coas súas icónicas fotos de flores contra armas, ata as revolucións con nomes e presenza de flores (rosas de Georgia, caraveis en Portugal, flores brancas en Bielorrusia...). Flores como marco de frases sobre a paz, e flores tamén coas que se reproducen moitos dos símbolos da paz cuxa orixe tamén nos explicaron o alumnado nos seus traballos.

Traballo a cargo do alumnado de 1º e 3º de Valores, 2º de Investigación, e FPB Xardinería

 25 DE NOVEMBRO DÍA INTERNACIONAL CONTRA A VIOLENCIA CONTRA A MULLER

Este ano o alumnado de Valores Éticos de 1º e 3º da ESO traballou sobre letras de moitas cancións localizando contidos violentos e descubrindo que non só o reguetón é exemplo de xénero musical no que se atopan ideas machistas, sexistas e de violencia contra a muller.

A Bioblioteca e Dinamización convocaron ademáis un concurso de audiovisuais entre todo o alumnado cuxo faio coñeceremos en breve

O alumnado de Investigación de 2º e ESO traballou tamén sobre o cine de terror localizando aquelas obras nas que están baseadas películas rodadas dende os inicios da cine ata finais da década dos anos 30.

Publish at Calameo

8 MARZO DÍA DA MULLER

                                                         EXPOSICIÓN 

       MULLERES EXPLORADORAS E COMPOSITORAS

A partir dos traballos do alumnado de Investigación de 2º ESO (Mulleres exploradoras) e de Música de 1º Bach (Compositoras) montamos a seguinte exposición 

As compositoras situadas no pentagrama e as exploradoras na bola do mundo

A exposición completouse cunha selección de libros 

CON NOME DE MULLER

Ademais de exponer os traballos, o alumnado de 2º ESO e 1º Bach fixo un novo programa de radio adicado a reivindicar a figura dalgunhas destas mulleres

VIAXES: OS REIS MAGOS E A VIAXE DE INVERNO

A VIAXE DOS REIS MAGOS

Os alumnos de Investigación (2º ESO), Latín (4º ESO) e Grego (1º Bach) fixeron un traballo no que recolleron información sobre a viaxe dos reis magos (non só a que fixeron de vivos, senon tamén a que fixeron os seus restos despois de mortos). E xa que este ano estamos de viaxe tamén repasamos unha das rutas máis importantes que existiron: a ruta do incenso

A VIAXE DOS REIS MAGOS

VIAXE DE INVERNO

Aínda que non temos unha radio escolar no centro este grupo de alumnos de 2º ESO e 1º Bach prepararon unha sesión radiofónica na que repasaron os seus traballos sobre viaxes: alumnos de 2º ESO (Investigación) e 1º Bach (Grego) falaron sobre a viaxe dos reis magos e a ruta do incenso, e alumnos de 1º Bach (Música) descubríronnos a "Viaxe de inverno" de F. Schubert

Alumnado participante: 
Arai Roibal, Daniel Cartelle, Elia Durán, Lucia Mei Gallego, Yuxin Zheng, Sofía Cao  (1º Bach), Lorena Pereira, Lola Vigo, Gabriel Vila (2º ESO)

                     SAMAÍN 2019

Xa que este ano o tema do proxecto de centro é as VIAXES emprendemos unha viaxe terrorífica para darlle contido ao mes de novembro.

O alumnado de 2º ESO (Investigación), 4ºESO (Latín) 1º Bacharelato (Grego)realizou unha viaxe na procura das portas do inferno e este foi o resultado.

A localización destes lugares nun mapa e un traballo de investigación sobre cada unha delas

MAPA DAS PORTAS DO INFERNO

CABAZA PRESENTADA POLA BIBLIOTECA PARA O CONCURSO

Aproveitando o concurso de cabazas a Biblioteca presentou a cabaza da apocolocyntosis de Claudio (conversión en cabaza do emperador Claudio) que sirveu de excusa para recomendar a lectura de "Yo, Claudio" e "Claudio el dios y su esposa Mesalina"

"AS PORTAS DO INFERNO"

Obra de teatro escrita e representada polo alumnado de 4º da ESO (coa colaboración de dos alumnos de Obradoiro de Teatro de 1º de Bacharelato)

                                                NADAL 2018

No noso particular Nacemento os pastorciños son algúns personaxes de contos do Nadal e algunhas superheroínas

Tamén están representadas algunhas das constelacións que nesa noite podíanse ver no ceo de Belén
 O alumnado de 4º de Latín buscou información sobre os personaxes mitolóxicos que dan nome a esas constelacións

Neste Belén temos información sobre algúns elementos da iconografía do Nadal

Tamén recordamos algunhas das principais obras musicais que se inspiran nestas datas

A nosa árbore de Nadal, seguindo o proxecto dos Superheroes e Superheroínas, está decorado cos logotipos dalgúns dos principais protagonistas dos cómics da Marvel e DC

O alumnado de 2º ESO buscou información sobre os personaxes que aparecen no Belén  e elaborou estas tarxetas

 25 de Novembro

      Día Mundial contra a violencia contra a muller

O venres 23 de novembro, no salón de actos, Mario e Uxía de 4º da ESO presentaron o acto conmemorativo en contra da violencia de xénero.

O alumnado de Investigación e Valores de 2º da ESO traballou sobre o tema da violencia contra a muller reflectida na arte

No acto proxectáronse distintos vídeos que nos permitiron debatir e reflexionar sobre o tema. Aquí tedes o vídeo de 2º da ESO da asignatura de Valores Éticos 

As alumnas de Artes Escénicas de 4º da ESO emocionáronnos coa posta en escena da obra, de creación propia,"Afectos Tóxicos"

                                      A MORTE E OS HEROES

Neste mes de Novembro tan relacionado coa morte o alumnado de Latín e Lingua Galega de 4ª da ESO traballou sobre os heroes e a súa relación con ela

OS HEROES QUE BAIXARON
E VOLVERON DO HADES

AQUEL A QUEN OS DEUSES AMAN
MORRE MOZO

DESCRICIÓN e MAQUETA
do HADES

             SUPERHEROES E SUPERHEROÍNAS

Iniciamos o curso cunha actividade encadrada no marco do tema proposto para o proxecto deste ano: Superheroes e superheroínas. O alumnado de Música realizou un traballo sobre cancións alusivas a distintos superheroes para conmemorar o Día Internacional da Música. O día 1 de Outubro, nos dous recreos, poidemos escoitar as cancións seleccionadas por eles. 

Grupos e solistas: Black Sabbath, Miguel Bosé, Asfalto, Jan & Dean, Capitán Memo, Queen, Ramones, Paul McCartney and the wings, The Kinks, Manowar

💃💃

MAIO DO 68

Exposición 

de libros

 sobre o 

Maio do 68

8 DE MARZO

DÍA INTERNACIONAL DA MULLER

O 8 de Marzo, na conmemoración do día internacional da muller, fíxose visible nas rúas a forza extraordinaria das mulleres que coa primeira folga feminina reivindicaban a igualdade entre homes e mulleres, e protestaban contra a violencia machista.

O éxito da convocatoria abre a porta á esperanza de que este 8 de marzo sexa un punto de inflexión na loita pola igualdade, e o inicio do que podería ser a cuarta vaga do feminismo na que a muller podería equipararse de feito co home.

Nos anos 60 comeza a terceira vaga do feminismo que supuxo a liberación feminina e a liberación sexual. A moda, como produto cultural, reflicte ou apoia os cambios sociais e por iso, no marco do Proxecto deste curso, fixemos un repaso ás contribucións da moda á liberación feminina, con especial atención aos elementos innovadores e transgresores da década dos 60.

Tamén quixemos facer unha reseña dalgunhas das mulleres galegas máis relevantes