O UNIVERSO COMO DESTINO

 Traballo do alumnado de Proxecto Competencial de 4º da ESO que pon o broche de ouro ao Proxecto de Centro deste ano (O Universo). Logo de explorar o cosmos desde diferentes perspectivas ao longo do ano rematamos cun traballo que demostra que a astronomía e a arte van da man.

-As sondas Voyager: deseño e construcción dunha réplica da famosa sonda espacial. O alumnado tamén converteuse en embaixadores da Terra ao deseñar novas mensaxes para unha futura Voyager III: que música, imaxes e saúdos enviaríamos hoxe ao espazo profundo? 

- Universo e Arte: o universo como inspiración artística (desde a orientación astronómica das construccións megalíticas, ata as constelacións e a mística cósmica de Van Gogh ou Dali, ou a Harmonía das Esferas proposta por Pitágoras)

- Proxecto "Sofá-Lúa": deseño e construcción dun sofá en forma de LÚA. Deseño, voliume e confort astronómicos feitos realidade

GRAZAS BEA EDREIRA POR FACELO POSIBLE

FULLONICA ROMANA

 Este proxecto levou ao alumnado de Latín e Proxecto Competencial de 4º da ESO a viaxar no tempo para converterse en arquitectos da Antiga Roma. A través da investigación e a construcción a escala dunha fullonica (lavandaría romana), os estudantes achegáronse á vida cotiá das clases populares romanas e reconstruíron os espazos arquitectónicos empregando materiais reciclados. Este traballo foi posible grazas á dirección e colaboración de Bea Edreira.

VALS Nº 2 SHOSTAKOVICH

 O IES de Mugardos súmase á homenaxe mundial polo 50 aniversario da morte de Dmitri Shostakovich. Cun dos seus temas máis recoñecidos, o Vals nº 2, celebramos o legado dun xenio cunha interpretación colectiva e sorpresa. Grazas a Diana, Mariña, Micaela, Rebeca, Antonio e Diego por facelo posible.

DÍA DO LIBRO 2026

 Celebración do Día do Libro no IES de Mugardos (colaboración da Biblioteca, o Equipo de Dinamización Lingüística e o Departamento de Lingua).

Este ano a maxia das palabras fusionouse coa inmensidade do cosmos nunha xornada moi especial: Punto de Intercambio de libros: porque os libros teñen mil vidas habilitamos un espazo para que alumnado e profesorado puidesen darlles unha nova viaxe ás súas lecturas favoritas

Cosmogonías literarias: seguindo o fío condutor do noso proxecto de centro, "O Universo", o alumnado de Proxecto de 4º ESO mergullounos nas diferentes visións sobre a orixe do mundo a través de traballos moi creativos

Clásicos con nova cara: as alumnas de Latín de 4º ESO sorprenderon creando portadas de libros actuais e clásicos traducidas ao latín, demostrando que as linguas clásicas están máis vivas que nunca

PODCAST

San Valentín no instituto. Xa pasou San Valentín e, con el, as rosas de plástico e os dramas de corredor. Un episodio, nas voces de Ana e Ainhoa, para escépticos e románticos de manual.

O son do universo. A que sona o baleiro? Da man de Unai e Aarón afastámonos do ruido diario para explorar as frecuencias e as ondas de radio que viaxan polo universo

CONCURSO "DALLE RITMO A ROSALÍA"

A poesía de Rosalía de Castro non entende de tempos nin de formatos, e os nosos alumnos e alumnas encargáronse de demostralo neste concurso. O resultado? Espectacular. Tras unha dificil deliberación o xurado destacou os traballos de: 

1º Premio: Ander e Gabriel (2º ESO)

2º Premio ex aequo Lorea e Noa (3ª ESO), Marcos, Alba e Melissa (2º ESO). 

Podedes ver os seus traballos neste vídeo

8 DE MARZO

Este 8 de marzo, Día Internacional da Muller, recordamos con Begoña Caamaño que a historia non é un relato pechado, senón unha tea que podemos volver tecer. A través de obras como "Circe ou o pracer do azul"  e "Morgana en Esmelle", Caamaño non só rescatou personaxes femininos silenciados pola mitoloxía clásica e a materia de Bretaña; devolveulles a súa soberanía, os seus desexos e, sobre todo, a súa capacidade de decidir.

ROSALÍA DE CASTRO

 Ampliamos o prazo de entrega ata o 3 de marzo!!!!

ENTROIDO 2026

Para ver as estrelas non hai que agardar á noite. Baixo o lema "O noso Universo" o 13 de febreiro o IES de Mugardos transformouse unha nave cargada de creatividade, ritmo e calidade dirixida polo alumnado de Oratoria (Diana, Daniela, Ainhoa, Ana, Aarón, Eneko, Unai e David). No vídeo temos unha pequena mostra da imaxinación e saber facer de profes e alumnos-as.

30 DE XANEIRO

 Este 30 de xaneiro é o día dunha dobre celebración: o Día da Ilustración en Galicia  e o Día da Paz. Por unha banda poñemos en valor a importancia do debuxo e o deseño na nosa cultura  cun vídeo sobre a vida e obra de Siro López (artista homenaxeado este ano pola súa mestría na caricatura e o humor gráfico); doutra banda algúns dos nosos alumnos interpretan o canon de Mozart "Dona nobis pacem" (Dános a paz), peza clásica cuxa polifonía nos lembra que a paz se constrúe sumando voces.