Benvidos a Samaín.
Este ano, no noso centro embarcámonos nunha volta ao mundo moi particular onde os misterios non entenden de fronteiras. Viaxamos no tempo a través do podcast feito polas alumnas de Latín de 1º de Bacharelato sobre os defuntos na antiga Roma
Traballo do alumnado de Proxecto Competencial de 4º da ESO que pon o broche de ouro ao Proxecto de Centro deste ano (O Universo). Logo de explorar o cosmos desde diferentes perspectivas ao longo do ano rematamos cun traballo que demostra que a astronomía e a arte van da man.
Este proxecto levou ao alumnado de Latín e Proxecto Competencial de 4º da ESO a viaxar no tempo para converterse en arquitectos da Antiga Roma. A través da investigación e a construcción a escala dunha fullonica (lavandaría romana), os estudantes achegáronse á vida cotiá das clases populares romanas e reconstruíron os espazos arquitectónicos empregando materiais reciclados. Este traballo foi posible grazas á dirección e colaboración de Bea Edreira.
O IES de Mugardos súmase á homenaxe mundial polo 50 aniversario da morte de Dmitri Shostakovich. Cun dos seus temas máis recoñecidos, o Vals nº 2, celebramos o legado dun xenio cunha interpretación colectiva e sorpresa. Grazas a Diana, Mariña, Micaela, Rebeca, Antonio e Diego por facelo posible.
Celebración do Día do Libro no IES de Mugardos (colaboración da Biblioteca, o Equipo de Dinamización Lingüística e o Departamento de Lingua).
Este ano a maxia das palabras fusionouse coa inmensidade do cosmos nunha xornada moi especial: Punto de Intercambio de libros: porque os libros teñen mil vidas habilitamos un espazo para que alumnado e profesorado puidesen darlles unha nova viaxe ás súas lecturas favoritas
Cosmogonías literarias: seguindo o fío condutor do noso proxecto de centro, "O Universo", o alumnado de Proxecto de 4º ESO mergullounos nas diferentes visións sobre a orixe do mundo a través de traballos moi creativos
Clásicos con nova cara: as alumnas de Latín de 4º ESO sorprenderon creando portadas de libros actuais e clásicos traducidas ao latín, demostrando que as linguas clásicas están máis vivas que nunca
San Valentín no instituto. Xa pasou San Valentín e, con el, as rosas de plástico e os dramas de corredor. Un episodio, nas voces de Ana e Ainhoa, para escépticos e románticos de manual.
A poesía de Rosalía de Castro non entende de tempos nin de formatos, e os nosos alumnos e alumnas encargáronse de demostralo neste concurso. O resultado? Espectacular. Tras unha dificil deliberación o xurado destacou os traballos de:
1º Premio: Ander e Gabriel (2º ESO)
2º Premio ex aequo Lorea e Noa (3ª ESO), Marcos, Alba e Melissa (2º ESO).
Podedes ver os seus traballos neste vídeo
Este 8 de marzo, Día Internacional da Muller, recordamos con Begoña Caamaño que a historia non é un relato pechado, senón unha tea que podemos volver tecer. A través de obras como "Circe ou o pracer do azul" e "Morgana en Esmelle", Caamaño non só rescatou personaxes femininos silenciados pola mitoloxía clásica e a materia de Bretaña; devolveulles a súa soberanía, os seus desexos e, sobre todo, a súa capacidade de decidir.
