CALENDARIO 2021
A piques de rematar un ano que todos queremos esquecer, desexamos un 2021 de cine e doce meses de película.
O alumnado de Teatro de 2º de Bacharelato remata este trimestre coa elaboración dun calendario no que recrea escenas icónicas do Sétimo Arte que ilustran frases coñecidas por todos nós.
CENTENARIO DO NACEMENTO DE MIGUEL DELIBES
No ano no que se cumpren 100 anos do nacemento de Miguel Delibes queremos facer a nosa pequena homenaxe a este escritor, considerado un dos referentes da literatura en lingua castelá, coa lectura dalgúns breves fragmentos das súas obras.
Á calidade literaria de Delibes engádese a súa calidade humana. O autor mantívose sempre fiel aos seus principios e ás súas ideas: a defensa dos valores humanos, da autenticidade e da xustiza social.
A Delibes preocupábanlle as consecuencias negativas do progreso para a natureza e para o home. Pero o progreso que o escritor rexeita é aquel que sacrifica todo o humano en aras do consumo.
Nestes tempos nos que tanto se fala da España "vaciada", atopamos no escritor a reivindicación da cultura rural na que están as nosas raíces
25 DE NOVEMBRO DÍA INTERNACIONAL CONTRA A VIOLENCIA CONTRA A MULLER
Este ano o alumnado de Valores Éticos de 1º e 3º da ESO traballou sobre letras de moitas cancións localizando contidos violentos e descubrindo que non só o reguetón é exemplo de xénero musical no que se atopan ideas machistas, sexistas e de violencia contra a muller.
SAMAÍN 2020
Comezamos este Samaín convocando un concurso de máscaras entre o alumnado
E, aínda que non houbo moitos participantes, as máscaras presentadas tiveron moita calidade. As gañadoras foron Faia V. e Fátima P. de 1º da ESO.
O proxecto que traballaremos este ano é o cinema, polo que esperamos sexa un ano "De Cine".
Conectando co mes de Novembro que mellor que mergullarse no cine de terror
