14 - FEBREIRO

 Para celebrar o día de San Valentín o alumnado de Proxecto Competencial (2º e 4º ESO) e o de Latín (4º ESO) recompilou información sobre distintos aspectos relacionados co amor: desde refráns populares a poetas clásicos pasando por mitos e síntomas do namoramento, ou por historias de amor inmortais e os tipos de amor existentes, o seu traballo móstranos unha visión moi ampla do amor. Ademais todos estes achegamentos serviron de inspiración para a composición de poemas que nos lembran que o amor é e foi sempre unha fonte inesgotable de inspiración.

San Valentín

 Iniciamos a experiencia da Radio na Biblio cun programa no que repasamos algunhas cartas de amor que distintos personaxes reais escribiron ás persoas que máis amaban. Da man do alumnado de Artes Escénicas (4 ESO) repasamos estas cartas e disfrutamos de moi boa música.

Ademáis, estas e outras cartas forman parte da exposición que temos no centro.

 SAN VALENTÍN

A comezos de curso prometeramos un mar de historias polo que agora, por San Valentín, aproveitamos para repasar algunhas das historias de amor máis coñecidas. Historias reais e historias ficticias, tanto literarias como lendarias, que marcaron para sempre a vida dos seus protagonistas. Historias que ás veces son crueis e ás veces son fermosas e que enchen este San Valentín con moreas de amor.

Cal destas é a historia que máis che conmove?

Ademais en San Valentín tamén é un bo momento para namorarse... para namorarse dun bo libro. E se é á beira do mar, mellor. Porque calquera sitio é bo para gozar dun bo libro, pero se ao pracer da lectura sumámoslle a tranquilidade dunha praia, a banda sonora das ondas batendo na beira, a caricia suave do sol e unha brisa lixeira, obtemos ese pracer por duplicado. Así que saímos a pasear pola nosa costa e levámonos os nosos libros favoritos. Pero tamén, e sendo un pouco irreverentes, colocamos algúns deses libros en paisaxes marítimas retratadas por Caspar David Friedrich, Botticelli, Dalí, Sorolla ou Renoir.

Porque por San Valentín é tempo de namorarse dun bo libro

 14- FEBREIRO

DÍA DE SAN VALENTÍN

O amor pode ir en moitas direccións. Moitos dos nosos alumnos amosaron o seu "amor" por algúns libros desta biblioteca neste "photocall" 

A Biblioteca repartíu poemas de amor entre os alumnos, e estivo toda a semana adornada con motivos vinculados co amor: a rosa, a mazá e bombóns

                                               14 DE FEBREIRO

                      NAMORADOS DA LECTURA

San Valentín

Personaxes femininos inquedos, imaxinativos, rebeldes, curiosos, reivindicativos... son a outra cara da moeda das princesiñas que soñan co seu príncipe azul.

E TI EN QUE PENSAS?

POR ISO CAMBIOU O CONTO

Os alumnos de Artes Escénicas de 4º de ESO propoñen unha nova versión dalgúns contos clásicos (treme, Disney!)