MARE MAGNUM

O último boletín deste curso.

Ao longo deste curso vimos monstruos mariños na literatura, criaturas terroríficas das profundidades abisais, cabazas inspiradas no mar, palabras afogadas no océano do tempo, exposicións de libros de temática mariña, sufrimos unha abordaxe pirata, escoitamos música clásica e poesía inspiradas no mar, vimos a importancia económica das actividades humanas relacionadas co mar, lemos á beira do mar, reivindicamos a actividade e o papel das mulleres no estudo e conservación dos nosos mares e océanos e nas actividades relacionadas coa pesca, paseamos por cidades mergulladas baixo o mar e por illas literarias, e revisamos moitos cadros de temática mariña (auténticas obras de arte cas que repasamos ou descubrimos a pintores de distintas épocas e estilos)

Todo isto e moito máis quedou recollido na nosa revista.